ابو ذيات جميله وحلوه

تك تك مايصيح الكلب بس تك
وانا عندي جنح مكسور بس تك
بس انا طرت من يوم بستك
وطحت والتمت الوادم عليه


قلم كلبي كتبلك انت حبي
وابد مااريد غيرك انته حبي
نشدوني على حبي وانته حبي
لان انته النفس والروح بيه

شبه برد الشتا طبعي وشكلاي
وعلى فراكك نحل جسمي وشكلاي
شرابي من عذب مايك وشكلاي
كليت اهموم بغيابك عليه

يدنيا خف عزم روحي وكلبي
وبيدج دفتر اهاتي وكلبي
بمحبته يشهد لساني وكلبي
ودمع عيني وصفار الوجه بيه

يلحبك سلب عقلي وجني
بجمالك هام كل انسي وجني
مراسيلك اذا وصلن واجني
لو ميت ترد الروح بيه

لسهامك بلكلب كلساع زركه
وعليك اوجهنه من مشيت زركه
دسويلك عليه فد يوم زركه
دمر لو بالحلم احسبها جيه

ردت راحه بحياتي ماصحتلي
مغيمه وضيم تمطر ماصحتلي
شو من اجاك الخير ماصحتلي
اشو بس بالضيم تركض عليه

غيرك ماعشك كلبي ولا مال
ومنك مازعل مره ولا مال
حياتي انت وحلم روحي ولامال
احبك لو تصير انت المنيه

عليك الروح تنشد رد عليها
انعمت عيني بفركتك رد عليها
المرض بالروح صدك رد عليها
بهجرك ماظل مرض مارد عليه

يهيج الالم من روحي وكتما
واظل بس انحب وابجي وكتما
ذكرت ايامنا الحلوه وكتمنا
نكوم ونكعد ونشمي سويه

الورد لو يجيه المي يحيى
واني بغيابك صرت ورد يذبل ويحيى
وحق ربي والمصطفى والنبي يحيى
تظل رغم الزعل والبعد غالي عليه

اظل اسنين احبك وانت غالي
بعت عمري وشريتك وانت غالي
كل الناس ترخص وانت غالي
لان ماكو اعز منك عليه


فر راسي ودخت والكلب ياماي
يبويه منين هذا انخلق ياماي
طين وماي لا ياطين ياماي
طين وماي هيج يسوي بيه

انا العطشان منك ميت اني
ومثل صبري بغيابك من يتاني
تكلي شلون صحتك ميت اني
تردلي الروح اذا تسال عليه

حي العشك انت من سكانه
والم بالروح غيرك منسكانه
انسى الكون كله من سكانه
لانك ياحلو غالي عليه


تذوب الروح من تسمع بسمكم
واحب الطير لو غرد بسمكم
هلا بكل مكتوب واصل باسمكم
اعزاز وشوفتكم غاليه عليه

صليل الشوك يكتل صلي بينه
وينك ليش تكطع صل بينه
مدامك احلى واحد صلي بينه
جماعه نصلي فرض الحب سويه

ارجو ان تنال اعجابكم

رائعه جدااااااااااا
عاشت الايادي ع مجهود