روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
000000000000000000000000000
طبع البينة نهوى من هوانة
,ولوضاق النفس ننطي من هوانة
,شفت اوصاف تعرف منهوآنة
,عراقي آنة وهويتي سومرية
0000000000000000000000000
القلب مارف على غيرك ولامال,
خلص من كثرة اودادك ولامال,
ابد لاولف يانسني ولامال,
الونس انتة حبيبي وهاي هية
0000000000000000000000000000
ابدمايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدةاليية
000000000000000000000000
على مودك عفت ربعي وناسي
وسدبحلوك شماتي وناسي
اذاعني غفل قلبك وناسي
انة بطروك كل صبح ومسية
00000000000000000000000000
كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه
0000000000000000000000
غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية
000000000000000000000
لغيرك ما جرى دمع ولا هل
غاب الكمر عني ولا هل.
.مابقه بالدنيا جار ولا اهل
بس انت وكطعت الوصل بيه
00000000000000000000000
سكر كاس الخمر من ضاك نفسك
و اكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها الية
00000000000000000000000
احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية
الأربعاء يونيو 30, 2010 12:56 am
